TERRA 'NFOSA

I’ terra,
asciuttata d‘o tiempe
ch’è passat doppo ‘o sole cocènt’
che t’abbrucia
e t’allicòrda ch’ ‘a morte t’è bbicina,
nun m’abbàstano ‘e lacreme meje
pe’ m’arracquà

Stésa e manìata da mane e mane,
ch’astrégnènnemo m’hanne zucàto
vita e sentimient’, voglio chist’ammore
chèsta passione che me ‘nfònne
fino a dint’ ‘o core

Nun te voglio sulo a màrz o abbrile,
te voglio p‘o tiemp’ che m’abbàsta
anze p ‘o tiemp’ ch’ancora àdda vénì
e nun me sazia maje

Arracquame co’ l’acqua toja,
frèsca, addiròsa, senza sciata’,
‘a vierne e dint’’a stagion’
‘nfonname tutta ‘, piezz piezz,
fino a dint’ ‘o core
Luciana Stancapiano