CHIUPPETELLA

Chiove ‘ngoppe a ‘sti mmane
fatte a croce,
pare ‘na voce,
‘nu poco chiagne
e ‘nu poco s’allecrèa

‘E ggocce vasano li rrose,
‘e ffoglie,
dint’ a ‘o sciardino
me pare e’ sèntere ‘nu bell cuncertino

Chedè, l’uòcchie so’ asciutte
eppure io sento ‘nu lamento,
ca fusse ‘o core mio ca cante
e’ sentimento?

Chiòppete ‘nu pucurillo,
a trillo a trillo,
dinto ‘o sciardino e’
chesta anèma piccerènella
e malandrina

So’ sule schizzechill
Co’ ‘nu sunaglio,
me fanne penzà a tte
e… io m’abbaglio

Mo’ schiara iuorno,
s’è addefrescata ll’aria
sotto a chesta acquarèlla,
te vèvo, ammore mio,
comme a ‘sta fresca funtanella.

Luciana Stancapiano