'A VOCE D' 'O CORE

‘A VOCE D’ ‘O CORE

Si ‘o sciummo corr a’ mmare
e ‘o sole vas ‘o sciore
pure tu te puo’ arrampeca’
‘ngoppe a’ ‘ stu core

Isso te guarda , capuzzeja
-… Cucù-setté !
- Che vuo’ ‘a me?

Te voglio allero,
comme ‘o vverde
‘ell’èvera addirosa,

Te voglio parpitante
E carnal’ comme a ‘na rosa

Te voglio comme
‘o lumme ‘e ‘na cannela,
nun te stutà,
famme vulà comme
‘ a ‘na falèna!

Zitto, te dico, zitto…
Nun me ‘nzurdà
Ca st’uocchie hanne
Ave’ pace
Pe’ se ‘nnammurà!

Luciana Stancapiano