|
Stasera nunn'è cosa e nun me vène
Nisciuna forma estrosa e divertente
È n'ora ca ce penso ma, vabbene!
Chisto è nu juorno nato un po' fetente
Me vulesse da' l'arie 'e dicitrice
E 'nvece tengo l'uocchie piccirilli
È inutile ca faccie a scavatrice
Pe ffà nu sfoggio 'e miseri gingilli
Se dice avvote "anche i migliori sbagliano"
E vuje state a ffa' parte 'e "quei migliori"
Co ttutte 'e ccose belle ca se stagliano
Ve state a soffermà s'una 'e peggiori
Io ve vulevo dà 'na bbona notte
E ce vulevo mette tutt'o core
Ma co sta penna sto facenne a bbotte
Aggio acciso 'a poesia ma per ammore!
Carmela Cioffi
|
